Ish-kryeministri i vendit Sali Berisha ka reaguar lidhur me sulmin e sotëm terrorist në Berlin, ku një kamion mori jetën e 9 njerëzve dhe plagosi 50 të tjerë duke marrë përpara një turm njerëzish që po festonin në një treg Krishtlindjesh në kryeqytetin gjerman.
“Sot terroristë të ISIS kryen një akt terrorist të shemtuar. Ata u vërsulën me një kamion mbi qytetarët në tregun e Krishtlindjeve në Berlin dhe shtypën për vdekje 9 persona dhe plagosën mbi 50 të tjerë”, shkruan Berisha duke dënuar aktin në fjalë.
Postimi i plotë i Sali Berishës:
Një krim i shëmtuar terrorist në Berlin. Vriten 9 dhe plagosen mbi 50 qytetarë!
Të dashur miq, sot terroristë të ISIS kryen një akt terrorist të shemtuar. Ata u vërsulën me një kamion mbi qytetarët në tregun e Krishtlindjeve në Berlin dhe shtypën për vdekje 9 persona dhe plagosën mbi 50 të tjerë.
Duke dënuar me forcë këtë akt barbarie, le t’u shprehim ngushëllimet më të sinqerta familjeve të viktimave dhe autoriteteve gjermane si dhe t’i urojmë shërim të plote të plagosurve. Urojmë që organizatorët, sponsorizuesit dhe ekzekutuesit e këtij akti makabër të marrin ndëshkimin e merituar! sb (A.R/SHUPLAKA)
