Berisha denoncoi për kanabis në Krujë, përgjigjet policia (FOTO)

Pas denoncimit të ish-kryeministrit, Sali Berisha për disa ara me kanabis në Krujë, ka reaguar Policia e Durrësit.

 Policia ka ushtruar kontroll në fshatrat Brret dhe Mafsheq por nuk ka gjetur drogë.

NJOFTIMI I POLICISË:

në lidhje me postimin e bërë në rrjetet sociale më datë 30.08.2017 nga deputeti Sali Berisha, ku pretendohej se në zonën e Krujës, përkatësisht në fshatin Brret dhe Mafsheq kishte bimë narkotike, ju bëjnë me dije se:

Policia e Shtetit ka zhvilluar një kontroll të imtësishëm në këto zona dhe nuk kanë konstatuar bimë narkotike.
Nga ana e Drejtorisë Vendore të Policisë Durrës janë bërë një sërë goditjesh mbi asgjësimin e bimëve narkotike në zonën e Krujës, arrestimin dhe procedimin e personave përgjegjës”.

Për më tepër policia publikon edhe foto nga terreni.

(S.SH/Shuplaka)