Berisha e akuzoi për tenderat që marrin familjarët e saj, Spiropali: E njoh mirë edhe burrin edhe vëllain, madje dhe kunatën!

Elisa Spiropali iu është përgjigjur akuzave të Sali Berishës, se familjarë të saj kanë fituar tendera publike, me vlera të mëdha parash.

Ministrja i mohoi këto akuza, duke thënë se mban përgjegjësi qoftë për burrin, qoftë për të vëllanë e saj.

“Lexoi artikullin që e ka financuar vetë, me paratë e të vdekurve, pse ulëret ti? Unë e njoh se kush është vëllai im, sa e ka rrogën, e njoh bashkëshortin tim, si punon ku punon, e njoh kunatën time, nuk jam nga ata që nuk njoh baxhanakët.

Mbaj përgjegjësi për këta, pasi asnjë cent nuk kanë fituar, ndaj nuk ma bën syri tërr, nuk intimidohem, dhe as kam për t’u intimiduar. Siç të bëj thirrje ty që të shkosh në prokurori dhe SPAK për këto, i bëj thirrje këtyre institucioneve që të shohin ty dhe familjarët e tu. Asnjë mashtrim kaq i trashë…”, u shpreh Spiropali.

Akuzat e Berishës: Ndrikulla 5 milionëshe është famoze me Salarjonin e saj që tenderit ia jep vëllait të tij. Tenderat  e ujësjellësit, i merrte burri i kësaj zonjës, ia jepte vëllaut që të shtoheshin milionat.

Përvec kësaj, zonja që u pasurua aq shumë në dogana, burrin e coi nga ujëshellësi në tenderat e KESH-It, OST. Aty përsëri Salarjoni. Nëse ka një burrë dhe një grua që kanë lumturuar njëri tjetrin me leke publike janë Spiropali-Toto.

Unë do të nxjerrë cdo aferë, vjedhje  që bëni, që kushtëzon të gjitha qëndrimet tuaja. Është detyra ime.

Yt shoq jep tenderit vëllaut tend, nuk ka vjedhje me të madhe ditën për diell se kjo. Ja ku e ke.

“Ndrikulla 5 milionëshe”, Berisha i përgjigjet Spiropalit: Tenderat i merrte burri i kësaj zonje për t’ia dhënë vëllait të saj, nuk ka vjedhje më të madhe ditën për diell se kjo

(E.K/Faxweb.al)