Ish-kryeministri Sali Berisha akuzoi ashpër kryeministrin Edi Rama dhe Altin Troplinin si përgjegjësit kryesorë të krimit elektoral në zgjedhjet e fundit.
Sipas Berishës, Rama është kreu i organizatës kriminale që ka orkestruar farsën zgjedhore, ndërsa Troplini është autori që, duke amnistuar dosjet 184 dhe 339, ka dërguar mesazhin se krimi elektoral nuk do të ndëshkohet, duke i dhënë kështu “licencë” Ramës për të vazhduar me veprime të tjera kriminale.
“Janë dy baljozët më të zi të krimit elektoral,” tha Berisha, duke nënvizuar se në qendrat e votimit, si ajo e Sarës, qytetarët janë kërcënuar dhe janë detyruar të heshtin.
Ai theksoi mungesën e hetimeve dhe se realiteti aktual kërkon që përgjegjësit të mbajnë llogari.
