Ai në një intervistë dhënë Lutfi Dervishit për emisionin “Përballë” që transmetohet sot në RTSH 1 në orën 20:35, Sali Berisha ka një vlerësim dhe këshillë për presidentin e zgjedhur, por ndërkohë flet edhe për të ardhmen e Presidentit Nishani.
“Ai është majtist i palëkundur”’ thotë Berisha për njeriun që duket se ka qenë në shënjestër të marrëveshjes politike të 18 Majit. Sali Berisha ka deklaruar se do të marrë pjesë në ceremoninë zyrtare të nisjes së detyrës nga Presidenti Meta.
Në këtë intervistë Berisha ka folur për marrëveshjen Rama- Basha, dyshimet dhe vlerësimet e tij si dhe për nevojën për ndryshimet e paralajmëruara kushtetuese si rrjedhojë e kësaj marrëveshje.
Në variantin nëse Basha nuk fiton zgjedhjet, Berisha gjithashtu i përgjigjet pyetjes: a kanë kuptim zgjedhjet në parti, kur “shuhen” të gjithë zërat kritikë brenda saj.
Berisha pranon që partitë politike në Shqipëri, praktikisht janë kthyer në parti kryetarësh.(J.V/Shuplaka)
