Ish-kryeministri Sali Berisha reagon pas deklaratave të pasardhësit të tij socialist Edi Rama, i cili i ftuar në emisionin “Studio e Hapur” të gazetares Eni Vasili, se Berisha nuk ka kërkuar qeveri teknike.
Nëpërmjet një postimi në Facebook, Berisha shprehet se jo vetëm që e ka kërkuar një gjë të tillë, por madje e ka deklaruar Ramën me ish-liderin e Panamasë, Manuel Noriega.
“Sqarim!
Te dashur miq, Ediskobari me mediat e tij po festojne trillimin e tij, sipas te cilit une ne takimin tim me ambasadorin e SHBA, Donald Lu nuk paskerkam kerkuar qeveri teknike. Per te mos e lene te gezohet me mashtrimet e tij, pra me luge bosh, po e sqaroj Ramen se jo vetem qe kam deklaruar se me Ramen nuk ka zgjedhje, gje qe lexohet ne çdo rrjesht te njoftimit per shtyp, por kam theksuar se per nje proces te lire dhe te ndershem zgjedhor zgjidhja e vetme eshte qeveria teknike, dhe perveç ketyre, sic e kam bere publike, e kam krahasuar pa asnje ekuivok Ramen me ish narkodiktatorin e Panamase, Noriega, me te cilin Rama nuk ka asnje dallim. Ndaj i them Rames mos u gezo me trillimet e tua por behu gati dhe ik, dhe thellohu mire ne kuptimin e krahasimit qe te kam bere me Noriegen!”, reagon Berisha. (D.D/Shuplaka)
