Pas shkarkimit të Ylli Manjanit nga posti i Ministrit të Drejtësisë, ish-kryeministri Berisha deklaron se duhet të ngrihet një komision i tërë hetimor për këtë çështje dhe të marrë dëshminë e të shkarkuarit.
Në një intervistë për “ABC News”, Berisha shprehet se vijimi i qeverisjes Rama-Meta është dëshmi se këtë vend po e drejton një organizatë kriminale.
Sipas Berishës, ish-ministri Manjani u sakrifikua për të mbrojtur idetë e tij, duke dalë kundër kryeministrit për çështjen e Balilit.
“Manjani është qartë viktimë kryesore e lidhjeve të krimit, e mbrojtjes dhe proteksionit të krimit. Por Manjani, kush ndoqi intervistën e tij, deklaroi një gjë të padëgjuar kurrë, që kryeministri firmos akte për gjëra që nuk kanë ndodhur, për mbledhje që sjanë mbajtur. Pra kryeministri është një fallsifikator i tillë saqë përdor fuqinë e ekzekutivit për të urdhëruar pagesa, zhvillime, për të paraqitur ndodhira të cilat s’kanë ndodhur kurrë. Kryeministri pra shndërrohet, përdor fuqinë e ekzekutivit si një instrument kryesor për veten e tij për qëllimet e tij.”, shprehet Berisha. (D.D/Shuplaka)
https://www.youtube.com/watch?v=WgbVdR6aEU8&feature=youtu.be
Discussion about this post