Në Memorialin e sotëm në nder të Azem Hajdarit, të zhvilluar pranë selisë së vjetër të Partisë Demoktratike, ish-kryeministri Sali Berisha i prekur kujton atë që u quajt “dëshmor i atdheut”.
Berisha shprehet se se Hajdari është jo vetëm lider i historisë, por edhe një burim frymëzimi.
“Sot për ne është një ditë që ne kujtojmë me dhimbje të madhe akatin barbar të kryer nga regjimi, ekzekutimin para selisë së PD të tribunit të lirisë Azem Hajdarit, njeriut që ka bërë si individ më shumë se kushdo tjetër për lirinë e shqiptarëve. Ishte gjoksi i tij, që ngrihej më 8 dhjetor në rrugët e Tiranës përballë barikadave të autobilndave, të policisë, ushtrisë që solli çeljen e dyerve të lirisë për shqiptarët.
Por Hajdari nuk është vetëm një lider i historisë, ai është një burim i madh frymëzimi për çdo shqiptar, për çdo të ri, për çdo të re. Frymëzimi i tij është të qëndrojmë të pamposhtuar, është të ngrihemi sa herë që rrëzohemi, është të vazhdojmë betejën.
Thirrja ime le të na frymëzojë guximi, vizioni, trimëria e tribunit tonë legjendar, për të realizuar sa më shpejt sa më të vendosur idealët për të cilat ai ra ai ra sot janë në një vështirësi të madhe. Unë kam besim se ne do t’ia dalim. I përjetshëm kujtimi i Azem Hajdari.”, janë fjalët e Berishës.(D.D/Shuplaka)
Discussion about this post