Kreu i PD-së Sali Berisha ishte sot në konferencën e radhës me gazetarët nga selia blu. Berisha u shpreh se PD nuk do njohë zgjedhjet e 11 majit. Sipas tij, kemi të bëjmë me një farsë të oragnizuar nga Rama dhe kartelet e drogës nëpër Shqipëri.
Kryedemokrati theksoi se narko-shteti do i certifikojë këtë farsë elektorale, por PD dhe koalicioni do vijojnë me publikimin e fakteve të reja se si bandat dhe kartelet e drogës bënë vota dhe nxorën deputetë të PS për Kuvendin e ri.
Berisha: Nuk ka dyshim që farsa, narko shteti do certifikojë farsën e tij. Nuk njohim zgjedhje dhe po paraqesim para shqiptarëve fakte të pakundërshtueshme të një farse më të shëmtuar që ka ndodhur në 34 vite.
Jeni dëshmitarët këtu zhvillohet një betejë mediatike e egër mes megafonëve të qeverisë të lidhur me krimin dhe me qeverinë, të cilët bëjnë gjithçka të dezinformojnë qytetarët shqiptarë, tu shesin farsën si proces të rregullt zgjedhor. Bëjnë gjithçka të censurojnë raportet e ndërkombëtarëve që denoncon, pikë për pikë shkeljen e 16 traktateve të dokumentave ndërkombëtare për zgjedhjet. Censuruan në mënyrë të paimagjinueshme kërkesën e prokurores së përgjithshme të SHBA, për luftën kundër karteleve.
Nuk mund ta jepnin se janë organe të karteleve. Lexoni ju artikuj të shkruar nga Fuga për Arkend Balla, se sa njeri i mirë është ky. Se si i bihet në qafë këtij të pafajshmi. Sigurisht se organet e administrimit të zgjedhjeve janë organe të narko shtetit. Ne po bëjmë punën tonë. Po paraqesim fakte të pakundërshtueshme, që dëshmojnë se në Shqipëri kishte një farsë të shëmtuar elektorale. Aspekti i karteleve është njëri dimension. Do rikthehemi përsëri në dimensione të tjera. Ajo është shpalosur me të gjithë shëmtinë e saj.
