“Jemi shumë më të fortë së bashku sepse jemi për një kauzë të drejtë. Unë nuk vij këtu për karrige, por për misionin e lirisë pasi nuk ka mision më të rëndësishëm. Ne kemi një armë të fortë, të tmerrshme për kundërshtarët tanë. Ne jemi burra e gra që nuk largohen kurrë nga lufta, askush nuk mund të na mposhtë në këtë mision. Ndaj unë u bëj thirrje qytetarëve shqiptare të mblidhen. Flamuri i kombit ka më shumë nevojë se kurrë ta mbështesim atë, ka nevojë të valëvitet, por jo si flamur krimi dhe droge.
Nëse ka një armik, ka një barbar, ka një mizor, është ai. Dhe këtë do ia them me fakte këtu. Edi Rama tregoi fytyrën e tij në vitin 2001, çndodhi me zgjedhjet e 2007-ës. Ai shtyu zgjedhjet 3 muaj se nuk hynte në zgjedhje. Për vitin 2011 kanë pafytyrësinë të kujtojnë ato vota, çfarë ishin ato vota.
Unë i them nëse një punonjës preket në KQZ do jetë ai që do e paguajë fizikisht. Fitoi zgjedhjet e 2013-ës, ja njohëm zotësinë. Vetëm i thamë “Lidhjet e tua me bandat e krimit nuk ka njeri që nuk i di, çfarë do bësh ti me to?”. Sot ato banda bëjnë namin. Edi Rama, vrasësit dhe trafikantët i nxjerr nga dera i fut nga dritarja.
(XH.A/SHUPLAKA)
