Në fjalën e tij në seancën parlamentare, ish-Kryeministri Berisha tha se Edi Rama kërkon të kërcënojë Europën, por Europa nuk frikësohet nga Edi Rama. Sipas tij, këto janë sajesat e një njeriu të sëmurë.
“U ktheve nga Gjermania sikur po vijë nga Kuba. Filloi fjalimin 20 minuta kundër opozitës. Duhet të dini, Gjermania sot është vendi më i fuqishëm ekonomik dhe politik dhe në standardet demokratike. Mendove ti se Merkel është e gatshme që takimin me të ta përdorësh për të sulmuar opoziten me kërcënime? I biri i djallit ti.Ti I bën këto, jo Merkel. Urimet ajo ia ka përcjellë opozitës, jo nëpërmjet teje, por nëpërmjet kryetarit të saj. Dhe jo vetëm ajo, pordhe figura të tjera të rëndësishme. Ty s’ta vari njeri, të lanë aty ku ishe. Të mbeti të kënaqesh duke mashtruar shqiptarët. U talle se komisioni nuk vuri asnjë kusht, pastaj the u hapën negociatat por më vonë doli se duhej edhe 1 raport tjetër”, tha Berisha në Parlament.
Sipas ish-kryeministrit, nuk mund të thuash që zgjedhjet s’janë kusht sepse ato janë të tilla kudo në Europë.
“Gjykata kushtetuese gjermane, me vendim të formës së prerë detyron qeverinë dhe gruan më të fortë të botës (Angela Merkel), që para se të japë zotimin për problemet e integrimit e të negociatave të marrë vendimin e Bundenstagut. Por, Rama në vend që ti sheshojë këto gjëra sulmon mijëra figura të Bungenstagut për çështje të tjera.”
Sipas Berishës, Shqipëria nuk e ul kurrë hundën në rrugën e integrimit të saj, pavarësisht kërcënimeve të Ramës.
Discussion about this post