Ish-kryeministri Sali Berisha i është bashkuar sërish protestueste, në të ashtuquajturën “Çadrën e lirisë” përballë selisë së kryeministrisë.
Sipas Berishës, ky është një moment kritik për çdo forcë politike dhe protestës i janë bashkuar jo vetëm demokratët, por edhe socialistë dhe qytetarë të tjerë. Në fjalën e tij, Berisha tha se kërkon largimin e Ramës dhe krijimin e një qeverie teknike. Pasi sipas tij, Rama është një bandit i veshur me pushtet.
Për këtë arsye, Berisha i bën thirrje edhe shqiptarëve në diasporë, që të protestojnë kudo që janë.
“Thirrja ime për emigracionin dhe diasporën është të marrin të gjitha masat që të organizojnë protesta pranë selive të qeverive ku janë, pranë Ambasadave të Shqipërisë, kundër regjimit të banditokracisë. Kjo është rruga e solidarizimit në mënyrë që për Shqipërinë të votojnë të gjithë shqiptarët.”, tha Berisha.
Ndërkohë, i pyetur nëse krijimi i një qeverie teknike është vetëm një retorikë e Partisë Demokratike, Berisha u përgjigj: “Absolutisht, s’është retorikë por është mision ku PD ose triumfon ose ajo nuk mund të flasë më për synimet e saj. Merita këtu është e qytetarëve, e dini që nga ata 500 mijë, të paktën 100 mijë ishin të gatshëm të rrëzonin kazinonë e Edi Ramës, por u bënë krahas ndërgjegjes qytetare, dhe nuk i lëvizën asnjë gjethe Tiranës. U bë protesta më paqësore”. Vijon…
Discussion about this post