Ish-kryeministri Sali Berisha ka bërë një deklaratë të bujshme mbrëmjen e sotme, ku tha se Rama dhe një diplomate greke kanë qenë nën përgjim nga shërbimet tona sekrete, pasi sipas tij, historia mes tyre u trash.
Ai tha se po fliste sot, për shkak se informacione të tilla deklasifikohen pasi kalojnë 25 vite pasi në të kundërt nuk dot të fliste sepse do të ishte një informacion i klasifikuar.
Ish-Kryeministri u shpreh në “Opinion”, se në atë kohë Rama dhe diplomatja ndiqeshin nga shërbimet sekrete, dhe nga përgjimet flitej për shitje vizash dhe lidhje të tjera, ndërsa shtoi se Rama dhe diplomatja greke u zhdukën sëbashku në Paris.
“Historia e Edi Ramës lidhet me një greke. Ka qenë një diplomate. Shërbimet tona ndiqnin Ramën dhe diplomaten sepse u trash miqësia, ai ndiqej për lidhjet me këtë zonjën. A e rekrutoi Rama atë apo ajo Ramën nuk e di, por në Paris ikën të dy. Plus që shërbimet informonin me shitje vizash. Pra Edi Rama ka një të shkuar të dyshimtë. Se cila ishte lidhja, ishte erotike apo lidhje pune atë nuk e di unë. Po të ishte lidhje erotike unë nuk merresha me të. Fakti është se Rama u zhduk bashkë me të në Paris. Ky shoqërim misterioz që ndiqej në përgjime ambientale e të tjera. Nga përgjimet dilnin shitjet e vizave, dilnin gjëra të tmerrshme”, – tha Berisha.
(B.B/ Faxweb.al)
Discussion about this post