Berisha do të rikthehet në një protestë të organizuar nga Partia Demokratike pas mungesave që ka bërë herët e fundit. Pas fjalës në Kuvend ai ka patur një tjetër për mediat në dalje nga Kuvendi. Berisha u shpreh se kjo protest do të jetë një lëvizje që do të vazhdojë pavarësisht bllokimit që po kërkon të bëjë mazhoranca.
‘’Një lëvizje popullore që Shqipëria nuk e ka njohur që nga 91, me të cilën shqiptarët do të çmontojnë një nga një regjimin e banditit Edi rama. Do të jetë një lëvizje që do i’u rikthejnë shqiptarëve shpresën dhe besimin te e ardhmja.
Në këtë kulm denoncimesh vetë Rama ja mbath i tmerruar. Kudo që të jëtë kudo që të shkojë ai do t’u japë llogari shqiptarëve për çdo të zezë që iu ka bërë shqiptarëve. Qoftë edhe nëse do shkojë në Australi.
Ky është një mision historik për të nxjerrë vendin nga kanabistani. Kjo është një lëvizje ashtu siç e ka quajtur kryetari i Partisë Demokratike. Po ndahen paratë e Bankave kundër protestave. 100 euro në Laprakë, 50 euro në Lushnje. Janë të pashpresë. Sado që të shpërndajnë ai shesh do të mbushet si një lum i madh.’’, ka deklaruar Berisha.
