Ish-kryeministri Sali Berisha ka reaguar ashpër për arrestimin e një dite më parë të kreut të AAK-së në Francë.
Nëpërmjet një postimi në rrjetet sociale, ai e cilëson arrestimin e Haradinajt si një veprim politik dhe antishqiptar i kryer nga xhelatët e Beogradit.
Postimi i plotë:
“Nje urdher arresti per Ramush Haradinajn, fund e krye politik dhe antishqiptar i xhelateve te Beogradit!
Te dashur miq, dje autoritetet policore franceze ndaluan mbi bazen e nje urdher arresti politikisht te motivuar te xhelateve te Beogradit, ish kryeminstrin e Kosoves dhe kryetarin e AAK, komandantin dhe heroin e luftes çlirimtare te Kosoves, zotin Ramush Haradinaj.
Duke denuar me ashpersine me te madhe kete mandat hakmarres primitiv te qarqeve raciste dhe albanofobe te Beogradit, u bej thirrje autoriteteve franceze te mos bien ne kurthet bizantine serbe qe punojne vetem per destabilizimin e rajonit, por te lirojne menjehere zotin Ramush Haradinaj pasi te gjitha akuzat e stisura te Beogradit jane hedhur poshte si fund e krye te pa verteta nga Gjykata Nderkombetare e Hages.
Une gjithashtu i bej thirrje BE te nderhyje menjehere dhe te denoje kete qendrim destabilizues te Beogradit ne rajon!”. (D.D/Shuplaka)
