Listat e Partisë Demokratike të publikuara mbrëmjen e kaluar rreth 50 minuta pas mesnate, janë kthyer në një çështje debate gjatë ditës së sotme. Të shumtë kanë qenë analistët të cilët kanë kritikuar vendimin e kryedemorkatit Lulzim Basha, lidhur me përjashtimin e Jozefina Topallit, Majlinda Bregut, Astrit Patozit dhe Ridvan Bodes, nga lista e kandidatëve.
Ndërkohë, ish-Kryeministri Sali Berisha, në një prononcim për “Syri.net”, është përgjigjur ndaj këtyre shqetësimeve.
Ky portal shkruan se një qytetar i ka shkruar i shqetësuar Berishës mbi listën e kandidatëve dhe ai është përgjigjur me këtë mesazh: “Faleminderit per mesazhin,me kete rast ju siguroj se lista e kandidateve te PD esht ekskluzivisht vetem e kryetarit dhe jo e ishktyetarit i cili pa asnje keqardhje ka patur zero rol ne listen e re. Por une mendoj se esht e drejte ekskluzive e kryetarit te zgjedhe ekipin e tij, me urimet e mia me te mira per ju,me respekt Sali Berisha”. (D.D/shuplaka)
