Nga “parlamenti i ri”, ish-kryeministri Sali Berisha u ndal tek projekti “Veliera” në Durrës, mjaft i diskutuar dhe i kundërshtuar nga opozita dhe qytetarët e Durrësit.
Në praninë e të gjithë mbështetësve të opozitës, në praninë e qytetarëve të ardhur nga Durrësit, ai u shpreh se fajtor për punimet në Durrës që cenojnë trashëgiminë kulturore është kryeministri Rama.
Ai u shpreh se pa urdhrin e Edi Ramës, kryebashkiaku i Durrësit, Vangjush Dako, nuk mund të kryejë asnjë lëvizje.
“Mos harroni një moment se ky mafioz lokal nuk do të guxonte të prishte qoftë e një degë pemë pa urdhrin e kryebanditit që rri këtu e mbush xhepat.
Në zonën e mbrojtur, Gjushi, asnjë gur asnjë degë, asnjë pllakë nuk mund të lëvizë pa urdhrin e këtij këtu që shihni, për të cilin është mbledhur e gjithë Shqipëria. “Veliera” është 3 mln euro në xhepat e tij, një pllakë betoni në bashkëpunim me ndrikullën e antikulturës.
Për 3 mln euro shkatërron pasurinë mijë vjeçare të Durrësit. Durrësin po e shkatërron Edi Rama.”, u shpreh Berisha. (XH.A/SHUPLAKA)
Discussion about this post