Ish-kryeministri Sali Berisha ka marrë fjalën në Kuvend, dhe e ka quajtur një akt mafioz, projektligjin për Teatrin Kombëtar, teksa ka kujtuar dhe vdekjen e dyshimtë të shoferit të ministrit Fatmir Xhafaj.
“Nuk ka dëshmi më të qartë të shndërrimit në mafia të kësaj pseudomazhorance, sesa procedura urgjente për kalimin me procedurë të përshpejtuar të projektligjit për teatrin Kombëtar.
Kërkoj anullimin e menjëhershëm të këtij akti mafioz, a ka shqiptarë që mendon se ligji për Teatrin përbën emergjencë, në një kohë kur jeni bërë simbole të ndyra të krimit, të drogës, të vrasjeve mafioze në zyra”, u shpreh Berisha.
”Ndaluni more një moment, sepse prapa kësaj që po bëni qëndrojnë qindra miliona para të Tojota Yaris, të ngarkesave të drogës që sillni dhe eksportoni nga Shqipëria në Europë.
Shqipërinë e shndërruar në vendin kryesor të eksportit të krimit dhe në vend të ndalni vazhdoni të konsumi një krim të shëmtuar.
Ti shkatërroni kombit simbolin e tij të nëpërkëmbni gjeninë artistike produkt i një gare produkt i një suksesi. çfarë bëni kështu more, ju jeni droguar të gjithë!”, tha më tej Berisha.
Fill pas deklaratës së fortë të bërë nga Berisha, kreu i Kuvendit Gramoz Ruçi i ka ndërprerë fjalën ish-kryeministrit Sali Berisha, dhe pavarësisht kundërshtimit të bërë në fillim, ai u detyrua që të ulej.
(E.K/FAXWEB.AL)
Discussion about this post