Ish-kryeministri Sali Berisha ka publikuar sot pamje të reja nga zgjedhjet e 11 Majit, që sipas tij dëshmojnë shkelje të rënda dhe manipulime gjatë procesit zgjedhor. Në videot e shpërndara, Berisha tregon se komisionerët e qendrave të votimit nuk janë vetëm mbikëqyrës, por edhe aktorë aktivë në procesin e votimit.
“Ja shihni këtë vajzën, komisionere në detyrë, që voton bashkë me zgjedhësit, kontrollon dhe manipullon çdo votë,” shprehet Berisha në njoftimin e tij. Ai thekson se në disa raste komisionerët vetë hedhin fletët e votimit dhe bëhen pjesë e një skeme kriminale për manipulimin e rezultatit.
Berisha thekson se këto zgjedhje nuk mund të quhen legjitime dhe se shqiptarët do të japin shpejt përgjigjen e tyre ndaj, siç thotë ai, “armikut më të egër të lirive të tyre”, duke aluduar në kryeministrin aktual Edi Rama.
“Farsa e 11 Majit nuk do të harrohet dhe nuk do të përligjet,” përfundon ish-kreu i PD-së.
