Ministri shqiptar për diasporën, Pandeli Majko ka zhvilluar takime me shqiptarët tek sa ndodhet në Detroit të Shteteve të Bashkuara të Amerikës në kuadër të një vizite zyrtare.
Por Majko është vënë në siklet atje nga disa prej shqiptarëve që e kanë pyetur rreth zhvillimeve politike në Shqipëri. Ata I kanë kujtuar kontributin e Amerikës për Shqipërinë, ndërsa I kanë përmendur votën kundër në OKB.
Vidooja është publikuar nga ish-kryeministri Berisha I cili shkruan “Ne Michigan diaspora kryqezon Majkon! Vota juaj kunder Amerikes eshte vote kunder te gjithe diaspores dhe kombit shqiptar. I kerkojne dhe pse rikthyet simbolet e komunizmit dhe se a do arrestohet Saimir Tahiri!”.
Ndër shumë pyetjet Majkos I është thënë se akoma nuk ka kërkuar falje për 29 viktimat në vitin 2004 të cilët u mbytën në det duke tentuar të kalojnë në Itali me skaf.
Në video Majko thotë se: ‘Kjo është Amerika dhe Amerika na ka mësuar ne’, por videoja ndërpritet në përgjigjet që jep ministri për pyetjet e bëra nga shqiptarët. (B.H/Faxweb)
Discussion about this post