Vetëm një natë më parë, ndalin futbollistin më në formë në Serie A nga pika e 11-metërshit, Dybala, ndërsa ditën e sotme Etrit Berisha mbërriti në Tiranë për grumbullimin me kombëtaren për ndeshjet ndaj Spanjës dhe Italinë.
Portieri tregon në një intervistë ekskluzive për Top Channel momentet e 11-metërshit të pritur në ndeshjen Atalanta-Juventus, të mbyllur 2-2, ndërsa flet edhe për dy ndeshjet e radhës së Kombëtares.
TCH: Etrit, vjen nga një paraqitje shumë e mirë ndaj Juventusit, mos ndoshta të kanë marrë inat tifozët bardhezi?
Etrit Berisha: Nuk besoj, janë pjesë e lojës. Mbrëmë ne bëmë një ndeshje të mirë. Më vjen mirë që pritja e penalltisë ndaj Dybala ishte deçizive dhe shpresojmë të vazhdojmë përpara.
TCH: Çfarë mendove në momentet kur ishe përballë Dybala?
Etrit Berisha: Isha shumë i qet. Para ndeshjes ne i studiojmë të gjithë lojtarët, ndërsa u mundova të isha në gatishmëri maksimale dhe të shfrytëzoja në maksimum intuitën time.
TCH: E kishe studiuar se si godet?
Etrit Berisha: Normalisht. Ai priti që unë të hidhem në një krah dhe të godiste në sekondën e fundit, por unë qëndrova i pa lëvizur dhe më pas zgjodha krahun e duhur.
Në lidhje me ndeshjen ndaj Spanjës që do të luhet të premten gardiani kuqezi u shpreh se do të jetë një ndeshje shumë e vështirë por ai shpreson në një rezultat pozitiv.
“Ndaj Spanjës do të jetë një ndeshje jashtëzakonisht e vështirë për ne, por do të mundohemi të mobilizohemi dhe ta përgatisim sa më mirë këtë ndeshje. Shpresojmë të marrim një rezultat sa më të mire”, tha Berisha ndër të tjera. (B.H/Shuplaka)
Discussion about this post