Kreu i Partisë Demokratike Sali Berisha ka bërë një postim në rrjetet sociale ku iu referuar një videoje të publikuar nga kryeministri Edi Rama në festat e fundvitit të realizuar me anë të Inteligjencës Artificiale ku shfaqej ky i fundit kraj Ismail Qemalit.
Berisha thotë se Rama ka zgjedhur të shoqërohet dhe të shëtisë me “Ismail Qemalin”, por vetëm në botën virtuale. Ai shton se në botën reale Rama shoqërohet me hajdutë, me banditë dhe trafikantë. Sipas tij, Rama këta të fundit i ka futur në qeveri, i ka futur në parlament dhe i emëron në postet ndër më të lartat.
POSTIMI:
Rama, në botën virtuale me Ismail Bej Vlorën. Në botën reale me hajdutë e banditë!
Mirëdita, miq! Edi Rama ka zgjedhur të shoqërohet dhe të shëtisë me “Ismail Qemalin”, por vetëm në botën virtuale. Sepse, në botën reale ai shoqërohet me hajdutë, me banditë dhe trafikantë.
Ata, ai i ka futur në qeveri, i ka futur në parlament, i emëron në postet ndër më të lartat. Të tjerëve u jep lejet e kullave, i shpall investitorë strategjikë, duke ndarë me ta fitime të mëdha. Dielli me shoshë nuk mbulohet!
Discussion about this post