Berisha: Rama zëvendëson Tahirin me Peleshin, var mëlçitë e qingjit në qafën e ujkut

Ish-kryeministri Sali Berisha, ironizon vendimet e fundit të qeverisë, për parandalimin e kultivimit të kanabisit në vend.

Sipas Berishës, vendimi për të ngitur një task forcë me në krye zëvendëskryeministrin Niko Peleshi, është bërë me një ndërhyrje të fortë nga të huajt. Ai gjithashtu sulmon ministrin e brendshëm Saimir Tahiri, pasi sipas tij u ka bërë gati filmimet e arave të kanabisit gazetarëve.

“Ediskobari var:

– Melçite e qingjit ne qafen e ujkut dhe
– per tualet, dhe me nderhyrje te forte te huaj, zevendeson Saje qorrin me Niko Peleshin per mbjelljet e reja te droges, kurse
– Peleshi vet dhe me sojin e tij, pronar plantacionesh ne Korçe, Kolonje dhe Puke! Saje qorri ka bere gati per gazetaret videot e arave te kanabisit te Peleshit por edhe per afera te tjera, Ediskobari ne takim me baronet lokal te droges caktoi zonat e mbjelljes se kanabisit per secilin prej tyre!”, thotë Berisha.

Tashmë përgjegjësinë për të parandaluar dhe luftuar  kultivimin e kanabisit në vend nuk do ta ketë vetëm policia dhe Ministria e Brendshme, por çdo ministri.

Sipas planit kombëtar për ndalimin e kultivimit të kanabisit 2017-2020, është ngritur një Task forcë e cila do të ndjekë punën hap pas hapi për parandalimin e kultivimit të kanabisit në Shqipëri.

Kjo taskë forcë drejtohet nga  zëvëndëskryeministri Niko Peleshi dhe ka anëtarë nga çdo ministri si edhe ndërkombëtarë të cilët do të angazhohen për parandalimin e këtij fenomeni.

Krahas shkrimit, Berisha ka publikuar edhe një fotomontazh. (D.D/Shuplaka)