Ish-kryeministri Sali Berisha ka folur sot në senacën parlamentare për një histori që sipas tij ka bën pjesë dhe ministrja për Marrëdhëniet me Parlamentin, Ermonela Felaj.
Berisha ka rrëfyer edhe historinë e rrëmbimit të bashkëshortit të saj. Sipas Berishës kjo ngjarje ka ndodhur gjatë kohës kur ajo ka qenë prokurore dhe në qeverisje ka qenë Partia Demokratike dhe sipas tij ka treguar se shkak për këtë është bërë një “premtim i pambajtur” i Felajt, për të liruar një bandit.
“Kësaj ndrikullës i rrëmbyen burrin dhe disa ditë ia mbajtën bandat në zyrat e Bashkisë. Pse ia rrëmbyen burrin? Nuk donin të rrëmbenin këtë jo. Kjo kishte marrë përsipër të lironin banditin. Burri kishte marrë paret. Kur kjo nuk e liroi banditin atëherë i rrëmbyen burrin. Kjo ishte gati ta falte dhe burrin, por ia gjetëm ne. Kjo ishte gati që burrin t’ia falte dreqit. Kishte marrë paratë kjo nuk pyeste. Kjo ndrikull shpirt kazmë del këtu dhe thotë që vetëvrasje nuk kemi. Je njeri ti apo s’je njeri moj? Vetëm të hënën infermierja piu dozat më kolosale të morfinës, për shkak të shtetit. Vetëm dje… nuk ke ndjenja ti. Ti je një ndrikull që të hëngri shpirtin mafia. Vetëm në dy ditë ke dy vetëvrasje. Vetëm nga KESH 12 të vetëvrarë të regjistruar. A e di ti që mashtron këtu dhe thua këto shifra? U rritën nga 2014 në 2015 me 150% vetëvrasjet”, tha Berisha.
Këto deklarata e Berishës i ka bërë fill pas fjalës së ministres Felaj, e cila tha se gjatë qeverisjes së kësaj mazhorance është ulur numri i vetëvrasjeve. (J.V/Shuplaka)
Discussion about this post