Ish-kryeministri Sali Berisha reagon pas artikullit të prestigjozes amerikane “Ëashtington Times” për kryeministrin aktual Edi Rama. Në artikullin në fjalë thuhej se zyrtarë të lartë të Partisë Socialiste në pushtet janë të lidhur me organizata të mëdha të trafikut të drogës dhe kryeministri Edi Rama është akuzuar në mënyrë të vazhdueshme për dështimin e goditjes së operacioneve të tyre.
Berisha i përmbledh pikat kyçe të artikullit në katër çështje të shkurtra, një ndër të cilat është edhe cilësimi i Partisë Socialiste si një Parti droge.
REAGIMI I BERISHËS
Gazeta e madhe e SHBA “Washington Times” shkruan:
– Partia Socialiste, parti droge
– Zyrtarë të lartë të PS të lidhur te lidhur me organizata të mëdha të trafikut të drogës.
– Gjendja ne Shqiperi kritike
– Stuhia qe ka shperthyer ne Shqiperi kercenohen interesat amerikane!
“Rama kohët e fundit e ka përshkruar presidentin Trump si “turpi i qytetërimit tonë.”
Në një analizë të publikuar në “Washington Times” me titullin “Çështjet e Ballkanit kërcënojnë edhe njëherë sigurinë e SHBA”, Luke Coffey, drejtor i Douglas dhe Sarah Allison Qendrën Heritage Foundation-së për Politikë të Jashtme, shkruan ndër të tjera se “Zyrtarë të lartë të Partisë Socialiste në pushtet janë të lidhur me organizata të mëdha të trafikut të drogës dhe kryeministri Edi Rama është akuzuar në mënyrë të vazhdueshme për dështimin e goditjes së operacioneve të tyre”.
“Washington Times” është një gazetë e qendrës së djathtë me afër 60 mijë kopje të printuara… (Postimi vazhdon më tej me artikullin e plotë të shqipëruar).
Krahas këtij postimi, Berisha ka publikuar edhe një foto të kryeministrit Edi Rama, të veshur si një hero filmash vizatimor, por në këtë rast është heroi apo “Kapiten Kanabisi”. Foto kjo e publikuar nga Berisha edhe në raste të tjera, kur në reagimet e tij përmendej çështja e kanabisit. (D.D/Shuplaka)
Discussion about this post