Gjatë fjalës së tij në Parlament, ish-Kryeministri Sali Berisha ka kërkuar votim dhe numërim elektronik për zgjedhjet e 18 qershorit 2017.
Duke replikuar me deputetin e Libra Ben Blushin për votën e emigrantëve, Berisha u shpreh se duhet të bëhet votim online.
“E kam për Librën. E vërteta është se ai paralelizëm që bëre është fallco. Nëse je vërtetë për votën e emigrantëve ka vetëm një rrugë, vota online. Dhe këtë rrugë ka të paktën 12 vjet që përdoret në vendet baltike. Të vendosim këtu votën elektronike. Është plotësisht e mundshme nëse doni të bëni zgjedhje. Koha është e mjaftueshme. Nëse s’keni ndërmend të vidhni votën, firmosni mos bëjmë sherre”, tha Sali Berisha.
Gjatël fjalës së tij, Blushi u shpreh ndër të tjera se, “Përditë shihni futboll, a ka arsye që Juventusi që ka fituar ndeshjet të caktojë arbitrat?! Të dy palët i tradhëtuan 1 milion emigrantë. Me paratë e tyre është mbajtur ekonomia jonë. Kemi 3 vjet që i tradhëtojmë! Ju lutem shumë gjeni kohën e duhur!”. (A.R/SHUPLAKA)
