Berisha shpërthen kundër Ramës: Lista e zezë, si katrani i shpirtit të tij

Ish-kryeministri Sali Berisha ka reaguar lidhur me listën me 101 emrat e zyrtarëve të publikuar nga kryeministri Edi Rama.

Sipas Berishës, qëllimi  i Ramës ishte të mashtronte shqiptarët, ndërsa shton se “lista e zezë’ ësshtë pasqyrimi i shpirtit të kryeministrit.

“Ne te vertet lista e zeze ishte nje shperthim i pakontrolluar i katranit te shpirtit te tij te zi!”, shkruan Berisha.

REAGIMI I BERISHËS

Lista e zeze, si katrani i shpirtit te Edi Rames!

Te dashur miq, dje Edi Rama, i demaskuar si rralle ndonje here me pare per listen e tij te zeze te shpirtit tij te zi, doli si i menderosur ne konference shtypi. Qellimi kryesor i tij ishte te mashtronte shqiptaret per listen e zeze, ne te cilen ai kishte renditur pa asnje fakt, prove, deshmi apo dokument 101 emra perfshi dhe te vdekur duke rikthyer keshtu nje praktike te eterve te tij bllokmene hoxhist, ne te cilen akuza ishte dhe prova e vetme qofte dhe per pushkatimin e tyre.

Rama dje u tha shqiptareve se ai nuk e ka bere liste, dhe kjo ishte njelloj sikur te thoste se ai e ka miratuar por nuk e ka shkruar listen dhe se facebooku i tij ku u publikua lista eshte si nje hale publike, natyrisht jo per publikun e gjere por per fuget, agaçet dhe sojin e tyre.

Ne te vertet lista e zeze ishte nje shperthim i pakontrolluar i katranit te shpirtit te tij te zi!  (D.D/Shuplaka)