Berisha sugjeron Xhafajn: Jep dorëheqjen, ke gjarprin në gji

Ish-kryeministri Sali Berisha ka replikuar sot në Kuvend me ministrin e brendshëm, Fatmir Xhafaj.

Berisha i ka kërkuar Xhafajt që të paktën për moral të jap dorëheqjen. Ai u shpreh më tej se Xhafaj ka pirë kafe me trafikantët, ndërsa në familje ka një njeri të dënuar me 14 vite burg.

“Asgjë në botë nuk ndalon individin për të dhënë shembullin personal. Vërtet Kushtetuta nuk të detyron, por morali ka kushtetutën më supreme, morali të detyron që së bashku me të gjithë punonjësit civil të asaj ministrie t’i nënshtrohesh të njëjtit vetting njësoj si punonjësit me uniformë.

Si do i kërkosh policëve ti se me cilin trafikant ke pirë kafe, apo në makinën e cilit trafikant ke udhëtuar në një kohë kur vete e ke gjarpërin në gji, e ke në familje njeriun e dënuar 14 vite nga gjykata supreme e republikës italiane. Ndaj zotëri dorëzohu me shembull personal!”, u shpreh Berisha në Kuvend.

(E.K/FAXWEB)