Ish-kryeministri Sali Berisha ka bërë të ditur se priti ditën e sotme në zyrën e tij, këshilltarin e lartë për Politikën e Jashtme në Grupin Parlamentar CDU/CSU në Bundestag, Hans-Joachim Falenski dhe disa deputetë të tjerë gjerman.
Berisha është shprehur se gjatë bashkëbisedimit me deputetët gjerman, kanë folur se si mund të ndihmohet Partia Demokratike nga partnerët e saj europian.
“I shpreha zotit Falenski falenderimet për grupin parlamentar dhe CDU për interesin e madh që tregon për PD dhe Shqipërinë, ndihmën e vazhdueshme që i ka dhënë PD”, shkruan ndër të tjera Berisha.
NJOFTIMI I PLOTË:
Ne takim Këshilltarin e lartë për Politikën e Jashtme në Grupin Parlamentar CDU/CSU në Bundestag, zotin Hans-Joachim Falenski!
Te dashur miq, prita sot në një takim Këshilltarin e lartë për Politikën e Jashtme në Grupin Parlamentar CDU/CSU në Bundestag, zotin Hans-Joachim Falenski dhe zotin Ëalter Gloss përfaqësues për Shqipërinë i fondacionit Konrad Adenahuer.
Diskutuam gjërësisht mbi situatën në vend. Zoti Falenski shprehu vendosmërinë e tij dhe të CDU për një ndihmë të gjithanëshme ndaj Partisë Demokratike, që ajo të përmbushë me sukses misionin e saj dhe të japë ndihmesën në procesin e integrimit të vendit në BE.
I shpreha zotit Falenski falenderimet për grupin parlamentar dhe CDU për interesin e madh që tregon për PD dhe Shqipërinë, ndihmën e vazhdueshme që i ka dhënë PD dhe do të vazhdojë të japë me modelin e saj të suksesshëm në politik-bërjen gjermane.
Përballë një mazhorance të kapur nga krimi dhe korrupsioni, është e nevojshme një opozite e fortë dhe për këtë ndihma e grupit parlamentar të CDU dhe fondacionit Konrad Adenauer do të jetë mjaft e vlefshme.
Takimi ishte i hapur. Sb
(S.SH/Shuplaka)
Discussion about this post