Ish-zëdhënësja e PD-së, Erla Mëhilli ka mendimin se ish-kryeministri Sali Berisha duhej të ishte më shumë i përfshirë nëvendimmarrjet politike në Partinë Demokratike teksa e cilësoi diçka të tillë si garanci e shtuar që partia e drejtuar nga Basha ka shumë nevojë..
“Berisha është shumë aktiv në politikë e nisur nga kjo mendoj që duhet të ishte edhe shumë më i përfshirë në vendimmarrjen brenda PD. Mendoj që kjo do ishte një garanci e shtuar për të gjithë demokratët, edhe për ata që nuk ndjekin linjën zyrtare të PD, gje për të cilën me thënë të drejtën gjykoj që ka shumë nevoje PD-ja sot”.
Ndërkohë Mëhilli është pyetur edhe për ndikimet e familjarëve të politikanëve në vendimet që këta marrin, ku tregoi se për Berishën kjo ka qenë e ndaluar, ndërsa shtoi por pa përmendur emra se ka politikanë të tjerë që jo vetëm ndikohen nga familjarët, por edhe kanë ndikim prej tyre në disa raste vendimtare.
“Për çështjen e ndikimit Berisha hyn te ata politikanë ku familja nuk ka patur rol në vendimmarrjen politike. Ai vetë por dhe familjarët kanë qenë shumë të kujdesshëm që mos ngatërronin raportet dhe marrëdheniet e veta si familjare me bashkëpunëtorët e tij. Ka qene shume i ekuilibruar ky raport. Ndryshe nga sot ku fjalë apo raportime për politikanë të tjerë ku familjarët kanë ndikim të madh në vendime të rëndësishme politike në disa raste edhe vendimtare, domethënë ndikimi është dhe vendimtar”, tha Mëhilli.
Discussion about this post