Dua t’iu pyes nëse i besoni ose jo botës së lirë, nëse ne duhet apo jo të përcaktojmë rrugën e lirisë? Unë e di e mijëra nga ju që dëgjoni këto fjalë, duhet të dini se unë jam me ju. Kafsahta është më e rëndësishme se vota. A ka një rrugë tjetër që ju të ndiheni të lirë? Vota e lirë përcakton të ardhmen tonë.
Vëllezër e motra këtu para ca ditësh ishte një personalitet shumë i shquar i politikës ndërkombëtare, kandidate për president, Ingrid Betancourt. Qeveria franceze ndërhyri vite të tëra dhe më pas e liroi.
Ajo tha “Shqipëria nuk më duket si Kolumbia”. Kolumbia ka vite që e lufton drogën, kurse këtu karteli i drogës është në qeveri. Këtu në dallim nga Kolumbia, plantacionet e kanabisit i mbjell qeveria. Po iu jap dy shembuj.
Në 2010-ën, në statistika, 65 kg kanabis në një vit drejt Italisë. Ndërsa tani 150 tonelata drogë drejt Italisë.
Çfarë ndodhi? Pse u mbush vendi me drogë? Vetëm për një qëllim, helmimi i votës. Kanabisi përcaktoi vullnetin e shqiptarëve. A mund të votohet në një vend ku sundojnë bandat e armatosura të kanabisit?
Ne do bëjmë gjithçka. Ta mësojnë se nuk ka për t’u ulur deputet në atë parlament pa ikur Edi Rama. Këtë që i bëri ai vendit të tij, nuk mund ta bëjë një njeri normal. Qytetarë, pyeteni veten se çfarë kanë këta demokratët me krimin?
Parlamenti Europian imponoi marrëveshjen, çfarë bëri me ligjet e dekriminalizimit Edi Rama? Ai i kërkoi Prengës të dorëhiqet për ta rikandiduar në zgjedhjet e ardhshme. Çfarë bëri tjetër, liroi “Hakmarrjen për drejtësi”, liroi Lul Berishën. A ka në burgjet më të rrezikshëm se Lul Berisha, terroristët Shyti, se sa Aldo Bare?
Me vendim qeverie pagoi paratë e papaguara vrasësve të Azem Hajdarit. Nëse duam që votat tona t’i numërojë Aldo Bare, terroristët Shyti, Lul Berisha, atëherë ne do të humbasim votën tonë.
Nga kjo çadër duhet të bëjmë gjithçka për votën tonë të lirë. T’i çojmë mesazhin se ne jemi të pathyeshëm. Kurrë nuk do i dorëzojmë votën kryekriminelit Edi Rama. Me durim nuk po kërkojmë asgjë tjetër vetëm votën që kërkon ta vrasësh e ta helmosh me drogë. Për votën jemi të gatshëm për çdo sakrificë.
Discussion about this post