Pas ngjarjes së djeshme në Tiranë, ku iu vu flaka disa makinave në një parkim privat dhe pas grabitjeve të sotme në kryeqytet, Korçë dhe Fier, ka ardhur edhe reagimi i ish-kryeministrit Sali Berisha.
Sipas tij, qeveria ka dorëzuar sigurinë e vendit në duart e krimit.
“Krimi është në një revansh të paparë. Si në asnjë vend tjetër që nuk është në luftë, në Shqipëri regjistrohen në një hark kohor 24 orësh vrasje, thyerje banke, djegje me benzinë makinës dhe pronës të një këngëtari të mirënjohur në mes të Tiranës, grabitje me armë zjarri dhe maska në Fier dhe Korçë, lumenj droge drejt Italisë”, shkruan ndër të tjera Berisha.
Postimi i plotë i Sali Berishës:
Qeveria e Shullazit, Eskobarit dhe Lul Berishes, tashme organizate kriminale, i dorezon vendin krimit!
Te dashur miq, krimi eshte ne nje revansh te papare. Si ne asnje vend tjeter qe nuk eshte ne lufte, ne Shqiperi regjistrohen ne nje hark kohor 24 oresh vrasje, thyerje banke, djegje me benzine makines dhe prones te nje kengetari te mirenjohur ne mes te Tiranes, grabitje me arme zjarri dhe maska ne Fier dhe Korçe, lumenj droge drejte Italise.
Qeveria, organizate e vertet kriminale e Shullazit, Lul Berishes dhe Balilit, Roshit dhe Bushit i ka dorezuar vendin dhe sigurine tone krimit. Po shkohet me shpejtesi drejt deshtimit te tij te plote.
Te dashur qytetare, ju bej thirre te ngrihemi sa me pare per te shembur murin e krimit qe lartesojne çdo dite Ediskobari dhe klika e tij ne pushtet! sb (A.R/SHUPLAKA)
Discussion about this post