Detaje të këtyre tentativave ka treguar ish kryeministri Sali Berisha mbrëmjen e sotme ku tha ndër të tjera se këto negociata janë kërkuar të paktën dy herë mesa Edi Ramës dhe Lulzim Bashës, por që sipas tij u refuzuan nga kryeministri.
“Unë nuk di të ketë filluar asnjë negociatë tani. U bënë tentativa, dy herë. I ka refuzuar Edi Rama. Këto tentativa kanë ndodhur gjatë qershorit. Janë bërë nga gjermanët. Janë dy vetëm, jo një! Kjo është e njohur. Formula ishte të uleshin në tavolinë pa kushte”, tha Berisha.
Berisha dha jnjë qëndrim edhe se si mund të largohet Edi Rama nga posti i kryeministrit: “Unë mendoj se opozita e ka dhënë formulën, një qeveri kalimtare për të përgatitur zgjedhjet. Me disa detyra të caktuara dhe disa shqyrtime të tjera. Rama duhet të rrëzohet me të gjitha mjetet e mosbindjes civile. Por vendimet që do marrë opozita, unë nuk e di. Unë gjithçka di, di këtë që thashë. Tani nuk ka oferta ndërkombëtare për zgjidhje”.
“Vendi ndodhet në një periudhë përpara një furtune shumë të madhe. Është një qetësi që po vlon. Është një situatë që pakënaqësia, termometri i pakënaqësisë shënon temperaturat shumë të larta”.
I pyetur në “Opinio” (ku edhe i bëri këto deklarata), nga analisti Lorenc Vangjeli se kjo “furtunë” ka lidhje me SPAK dhe drejtësinë e re, Berisha tha se nuk beson në iluzione.
“Nuk besoj në iluzione. Një drejtësi e kapur, ti mendon se do funksionojë? E vetmja që nuk funksionon është drejtësia e kapur. Një drejtësi e kapur me vetting Halluni (Dritan Halluni) dhe Dvoran vetting (Ardian Dvorani) , me kunetër dhe stër-kunetër kjo është drejtësia më e kapur. Me ambasadorin amerikan është rënë dakord që asnjë prej tyre që është pjesë në hartimin e ligjeve nuk do marrë asnjë funksion në drejtësinë e re, unë nuk mohoj këtu që vettingu ka heq me dhjetëra gjykatës dhe prokurorë të korruptuar. Por ama, asnjë nuk mund të më mohojë mua sepse u gjykatës Halluni ka liruar si të pafajshëm vrasësin e komisarit. I ka mbyll dosjen Pëllumb Gjokës për plagosje. Tani ky do bëjë drejtësinë, kjo formë, këta do jenë shumë më keq. Pse ne, ne ishim ata që insistuam për vettingun”.
(F.GJ/FAXWEB.AL)
Discussion about this post