”Berlini”, Ambasada Gjermane: Ne nuk trembemi, humanizmi nuk do t’i përkulet urrejtjes

Ambasada gjermane në Tiranë shpreh ngushellimin për viktimat që humbën jetën në Berlin dy netë më parë.

Ngjarja e rëndë që ndodhi, ku një kamion hyri në një treg krishtlindjesh duke vrarë 12 persona dhe plagosur dhjetëra të tjerë ka tronditur mbarë perëndimin. Ndërkohë që ende nuk është gjetur autori i kësaj ngjarjeje.

‘’Berlini mban zi për viktimat e Breitscheidplatz dhe i tregon botës se: Ne nuk do të trembemi. Humanizmi dhe solidariteti ynë nuk do t’i përkulet urrejtjes’’, thuhet në publikimin e ambasadës.

Ndërkohë që reagime për ngjarjen kanë patur edhe krerët më të lartë të politikës shqiptare të cilët janë solidarizuar me viktimat e sulmit. (E.K/SHUPLAKA)