Kryeministrja e Serbisë, Ana Bërnabiç, në një intervistë është shprehur se nëse nuk do të hiqet taksa e Kosovës, nuk do të ketë dialog.
Gjatë intervistës kryeministrja serbe nuk ka fshehur aspak zhgënjimin nga Kosova për shkak të taksës. Ajo është shprehur ndër të tjera që edhe pse BE dhe Amerika kanë ushtruar presjon ende Kosova nuk po arrin marrëveshjen e arritur në Bruksel. Gjithashtu Ana Bërnabiç ka theksuar se nuk mund të arrihet asnjë marrëveshje pa u hequr sifillim taksa.
Ky vendim është në kundërshtim me kuptimin e përbashkët, është në kundërshtim me gjithçka që BE-ja po bën, kryesisht përmes Procesit të Berlinit, që është iniciativa e Kancelares Angela Merkel, kështu që është në kundërshtim me lidhjet rajonale ekonomike, transportuese dhe infrastrukturore.
Për të gjithë atë që ne kemi bërë për shumë vite, të gjithë së bashku dhe partnerët tanë nga BE, për të krijuar një rajon më të qëndrueshëm, më të fortë, më të integruar, duke u ofruar njerëzve një perceptim të ndryshëm dhe të ardhme të ndryshme. Ky vendim i Kosovës është kundër çdo gjëje”, ka thënë Bërnabiç.
Pavarësisht kësaj, zyrtarë të AAK-së, partisë që drejton kryeministri Ramush Haradinaj, thonë se taksa do të vazhdojë të mbetet në fuqi dhe se nuk pranohen kurrfarë kushtesh nga Serbia.
Një përgjigje kjo dhe për Aleksandër Vuçiç i cili është shprehur se nëse kjo taksë nuk hiqet atëherë Serbia është e vendosur të marrë masa konkrete.
