Në vrojtimin e realizuar nga Banka Europiane për Rindërtim dhe Zhvillim, mbi performancën dhe pengesat e bërjes së biznesit, rezulton se në Shqipëri janë katër faktorë pengues.
Në Shqipëri, pengesat e mëdha lidhen konkretisht me konkurrencën e pandershme, kostot energjetike, aksesin ndaj financës apo edhe administrimi i taksave.
Në këtë anketim kanë marrë pjesë 1,800 pronarë dhe menaxherë sipërmarrjesh në Shqipëri, Bosnje – Hercegovinë, Maqedoni, Kosovë, Mal i Zi dhe Serbi.
“Nga analiza rezultoi se në rajon vihet re një nivel i lartë i konkurrencës së pandershme nga sektori informal, por gjithashtu renditen edhe faktorë të tjerë. Sidoqoftë efekti është i ndryshëm nga sektori në sektorë, nga orientimi i tregut, nga përvoja menaxheriale, lloji i pronësisë etj.”, shkruan “Monitor”.
Informaliteti (Konkurrenca nga sektori informal)
16.8% e bizneseve në Shqipëri e kanë renditur si pengesën më të madhe. Theksohet se që nga momenti kur ka nisur vrojtimi qeveria shqiptare ka ndërmarrë një fushatë të madhe kundër informalitetit.
Financimi (Aksesi ndaj financës)
Një ndër barrierat që shqetëson më shumë sipërmarrjet ballkanase. Shumë prej bizneseve kanë raportuar se kanë nevojë për kredi, por u është refuzuar.
Taksat
Taksimi është cilësuar problem për 11.9% e të anketuarve në vendet e Ballkanit Perëndimor.
Korrupsioni
Një problem i vazhdueshëm për Ballkanin Perëndimor është sistemi i korrupsionit. Në vrojtim thuhet se disa vende kanë bërë përmirësim, përjashtim bën Kosova që është në “fazat e para” të luftës kundër korrupsionit.
Stabiliteti politik
Problem më i rëndë për sipërmarrjet në Bosnje – Hercegovinë ( 30.2%), e ndjekur nga Serbia ( 26.7%).
(XH.A/SHUPLAKA)
Discussion about this post