Humoristi Bes Kallaku vë në lojë mikun e tij Ermal Mamaqi, pas deklaratave të këtij të fundit gjatë mbrëmjes së kaluar se ka kaluar një fëmijëri të vështirë.
“Të dashur miq, me gjithe këto vuajtje, Facebook ka vendosur që për Ermal Mamaqin të dhurojë për 1 like= 1 euro, 1 coment= 2 euro, 1 share= 3 euro. Vetëm nëse nuk ke zemër nuk i jep like Ermalit”, ka shkruar Besi me shaka në Facebook.
Mamaqi, i cili mbrëmjen e kaluar ishte i ftuar në emisionin “Zonë e lirë” të gazetarit Arjan Çani, deklaroi se që në moshën 12-vjeçare shiste cigare në rrugë. Ai sqaroi se këtë punë u detyrua ta bënte për të larë borxhet e familjes, pasi e ëma ishte pushuar nga puna.
Mes të tjerave Mamaqi ka thënë se në 18 vite të jetës së tij ka fjetur në kuzhinë së bashku me vëllain.
