Këngëtarja e njohur Besa Kokëdhima ka reaguar nëpërmjet një postimi në Instagram, ku kërkon që ti jepet fund izolimit që po mban qeveria ndaj të gjithë qytetarëve. Tashmë u bënë pothuajse dy muaj që po qëndrojmë të izoluar, si shkak i pandemisë që ka kapluar gjithë botën.
Kjo gjendje e ka mërzitur këngëtaren shqiptare, Besa Kokëdhima e cila këtë e la të kuptohet nëpërmjet një reagimi në Instagram.
“Stop mbylljes, mjaft më”, ka shkruar ajo pranë postimit të fotografisë. Edhe Besa si të gjithë të tjerët po qëndron e izoluar dhe i janë anuluar aktivitetet e saj me muzikë, çka përkthehet padyshim dhe në kosto ekonomike për ta.
Kanë qenë të shumtë artistët që kanë kërkuar rifillimin e jetës normale, pasi ata janë një nga profesionet më të goditura nga izolimi, dhe aspak të mbështetura nga ana e qeverisë.
