Futbollistët shqiparë që luajnë me ekipe të huaja dhe kanë një performancë të mirë janë shumë. Dhe padyshim një prej tyre që po bën një punë shumë të mirë me klubin e tij është edhe Besart Berisha.
Ai brenda pak kohësh u bë futbollisti më i rëndësishëm i kampionatit austrialian ku fillimisht u bë lojtari me më shumë gola dhe më pas arriti të kap i pari numrin me tre shifra të rrjetave në “A-League”, 100.
Por Berisha nuk po ndalet. Sot, ai ka qenë vendimtar për skuadrën e tij Melbourne Victory teksa shënoi golin e fitores 1-0 kundër Brisbane Roar në ndeshjen gjysmëfinale të “play off”-it të kampionatit australian.
Falë golit të Berishës në minutën e 70 të takimit, Melbourne Victory u kualifikua për në finalen e madhe që do të përcaktojë ekipin kampion të Australisë. Në këtë sfidë, Berisha me shokë do të kenë përballë skuadrën e Sidney-it. (E.K/SHUPLAKA)
Discussion about this post