Nga dje Drejtori i portit të Shëngjinit nuk është më Gjovalin Tusha, i propozuar nga ana e LSI-së. Me vendim qeverie në vend të tij është emëruar Ermal Pacaj, kryetar i FRESSH-it për Lezhën.
Po ajo që është inetresante me drejtorin e ri, është fakti se ai publikisht është një njeri mbështetës me ish-deputetin socialist, Arben Ndoka për të mos thënë që është edhe ndonjë i afërm i tij.
Pacaj shkon deri aty sa duket se shpërndan çdo postim të Ndokës, që nga statusi i bërë prej tij pas deklaratave të ambasadorit Lu, që e përmendi si shembullin e lidhjes së politikës me krimin.
Ndërsa ajo që shkon edhe më tej është fakti se Pacaj e krahason Ndokën dhe me një personazh të njohur të letërsisë botërore, Zhan Valzhanin e Viktor Hygojt.
“T’gjithe e njohim dhe e duam Valzhanin e Hygoit, personazhi i vepres monumentale “Te Mjeret”, te cilin Zhaveri e hetoi, e ndoqi dhe e luftoi, por nuk e mundi dot. Dhe me te njejten babezi si te Zhavierit , te padrejtet ne emer te drejtesise, hajdutet ne emer te ndershmerise dhe politika ne t’pa emrin e saj e luftuan edhe Benin”, shkruan Pacaj në Facebook.
(E.K/Faxweb)
Discussion about this post