Rruga e Donald Trump drejt 270 votave elektorale mbetet me pengesa, por nëse disa prej tyre kalohen, atëherë Trump mund të shkojë në Shtëpinë e Bardhë.
Trump e di mirë se kë votues targeton. Ai do të shpenzojë 25 mln dollarë reklama këto ditë në disa shtete specifike, si Kolorado, Florida, Ajoua, Maine, Miçigan, Nju Meksiko, Karolina e Veriut, Ohajo, Pensilvania, Uiskonsin, Virxhinia, Nevada dhe Nju Hempshir.
Kjo do të thotë që Trump nuk ka nevojë që të mbrojë Arizonën, Xhorxhian, Jutahun, Teksasin dhe vendet e tjera tradicionalisht republikane, raporton “Panorama.al”. Ai e di që duhet të fitojë me patjetër në Florida, Ohajo, Karolinën e Veriut dhe Ajoua. Por cilët janë 6 skenarët që e zgjedhin atë President të SHBAve. Ju ftojmë t’i lexoni më poshtë.
Te mos gaboje ne asnjë shtet.
Ky skenar është edhe ai më i mundshmi, por është edhe ai që nuk e lejon Trump të bëjë gabime apo të ketë surpriza.
Trump duhet të fitojë të gjitha shtetet që Mit Romni fitoi në vitin 2012, përfshirë edhe Karolinën e Veriut, si edhe ato që fitoi Obama, Floridën, Ohajon, Ajouan, Nevadën dhe Nju Hempshirin. Gjithashtu, Trumpit i duhet edhe që të blindojnë distriktet rurale të Maines dhe Nebraskës që të marrë edhe ato dy vota elektorale për të arritur plot 270 të tilla.
Ekzistenca e një klase të bardhë dhe të heshtur punëtore
Ky është skenari që Trump ëndërron më shumë, pasi kjo do t’i japë mundësi që të fitojë shtetet e Clintonit, si Uisconsin, Miçigani dhe Pensilvania, për të cilat nuk ka fituar asnjë sondazh.
Ky skenar i jep frymëmarrje Trumpit në betejat e vështira për Nevadën, Nju Hempshirin. Në rast se ai merr Florinën dhe Ohajon, atëherë mund të mbajë edhe Karolinën e Veriut dhe ia del.
Rrjedhja e votave nga Clinton te Johnson
Shtetet që janë të pavendosura mund të prodhojnë rrjedhje votash. Psh, republikanët atje që janë të pakënaqur me Trump, mund të votojnë për kandidatin e tretë, Johnson dhe jo për Clinton, kjo bën të mundur që Trump të ruajë avantazhin ndaj Clinton.
Nëse afroamerikanët nuk votojnë masivisht
Ka disa sondazhe që thonë se afroamerikanët në shtetet jugore, që kanë mbështetur demokratët, mund të mos dalin në votime.
Ky skenar i jep avantazh Trumpit, madje edhe në Veri, në Miçigan, po ashtu edhe në Jug, Florida dhe Xhorxhia.
Nëse latinët nuk votojnë brenda pritshmërive
Ka edhe një skenar të ngjashëm.
Nëse latinët në Kaliforni, Arizona, Florida, Nevada, Kolorado dhe Nju Meksiko i bëjnë naze Clintonit, atëherë Trump mund të dalë në avantazh dhe mund të mos sforcohet me Nju Hempshirin.
Nëse verilindorët dashurohen me Trump
Nëse verilindorët kthehen kundër Hillary Clinton, ku më së shumti mbështesnin Bernie Sandersin, atëherë ky mund t’i japë një avantazh të madh Trumpit.
Ai mund të marrë Filadelfian dhe Nju Hempshirin, së bashku me bastionet e tij, do t’i mjaftonin 270 vota për në Shtëpinë e Bardhë.