Sfida e qeverisë pas tërmetit që goditi vendin është rindërtimi i zonave të prekura nga lëkundjet e tokës. Mbrëmjen e sotme në emisionin “Aktualitet” të gazetarit Bejdo Male në FaxNews u diskutua pikërisht kjo temë.
Të ftuarit në studio u shprehën se rindërtimi pas fatkeqësisë lidhet edhe me tokën bujqësore. Profesori Lush Susaj ngriti si shqetësim shkatërrimin e bujqësisë dhe ndikimin e politikës në këtë fushë.
“Derisa studimet, derisa oponenca, derisa strategjitë e zhvillimit i bëjnë shoqatat politike që nuk kanë asnjë lidhje me bujqësinë, këto duhet t’i bënte universiteti sepse universiteti prodhon specialistë, agronomë të të gjitha fushave. Por politika përmes zgjatjes së duarve në universitete e këputi këtë bashkëpunim. Këtu janë shkatërruar nga të gjitha anët.
Ç’punë kishe me agronomët? Shto numrin e agronomëve, të mësuesve, të infermierëve. Është shkatërruar kjo. Nuk ka asgjë rastësore. Shpëdorohen projeket e BE dhe të Usaidit. Po gofite dijen, ke godit gjithçka. Shteti shqiptar duhet të shpëtojë nga marksizmi anarkik”, tha ai në studio.
Ndërsa profesori Gjok Vuksani bëri thirrje që të merren masa të menjëhershme në fushën e bujqësisë.
Sipas tij, qeveria duhet të hartojë një plan kombëtar për të përballuar përmbytjet sepse tërmeti për pak ditë do të harrohet.
“Unë mund të them që duhet të marrim masa të menjëhershme në fushën e bujqësisë, në një plan komnëtar përsa i përket përbytjeve. Sepse neve na ndodh një tragjedi, rendim pas saj. Ndodh një tjetër, rendim pas asaj tjetrës dhe harrojmë këtë tjetrën. Përmbytja e tokave bujqësore, por edhe e zonave është një problem që po ndodh në mënyrë frekuente në Shqipëri.
Ne duhet të bëjmë një plan kombëtar për të marrë masa. Nuk bëhet as me hapjen e kanalit të dytë, as me kanalit të tretë. Ka ndodh një shpyllëzim i jashtëzakonshëm. Pra duhet një plan kombëtar për përmbytjen. Nuk mund ta shmangim. Do të kemi prapë një katastrofë se do të vijnë shirat. Duhet të ruhet toka buqjësore, duhet të siugrohet sistemi i ujitjes dhe duhet të kemi specialistë”, tha profesori.
