Në seancën plenare të kësaj të enjte, kanë bërë betimin deputetët e rinjë të opozitës. Ndër deputetët të cilët kanë pranuar mandatin duke bërë betimin në Kuvend kanë qenë Adriatik Alimadhi dhe Arben Elezi, ndërkohë që ka suprizuar deputetja e re e LSI-së, Ambra Borova e cila do të merrte vendin e lënë në Kuvend nga Agron Çela në Shkodër.
Mungesën e Borovës ditën e sotme në Kuvend, në seancën e betimit, kreu Kuvendit Gramoz Ruçi, e ka justifikuar duke u shprehur se kishte “ arsyet e saj objektive, më madhore”.
Ndërkohë kujtojmë se sot në Kuvend janë betuar dhe kanë marrë mandatin dy deputet nga listat e PD-së: Adriatik Alimadhi, që është kreu i Ballit Kombëtar, dhe njëherësh aleat i Bashës, Arben Elezi që do të marrë mandatin e Edmond Spahos në qarkun e Elbasanit
Me dy prurjet e reja në Kuvend, numri i deputetëve që do të ulen në sallë janë 98. Nga opozita e re, vendet më të shumta i ka zënë LSI me 11 deputetë, si dhe Lefter Koka, ndërsa nga PD janë 6 deputetë të rinj, dhe dy përfaqësuesit që nuk lanë mandatin Rudina Hajdari dhe Myslim Murrizi.
