Nisja e Seancës Plenare ditën e sotme është shoqëruar me betimin e dy deputetëvetë rinj në Kuvend. Njëri do të zëvendësojë Ervin Koçin deputetin e larguar të Fierit dhe tjetri do të marrë mandatin e shumëdiskutuar të Lezhës.
Petrit Gjoni deputeti i LSI-së mer mandatin e mbetur bosh në Lezhë pas shterimit të listës së Partisë Socialiste.
Xhavit Bushaj merr mandatin e Ervin Koçit në Fier, i cili pak ditë më parë njoftoi tërheqjen nga Kuvendi dhe lënien e mandatit për arsye personale.
Të dy deputetët në fakt do të kenë pak kohë në dispozicion për të shfaqur problematikat e qytetarëve që përfaqësojnë.
Në qershor gjithçka nis nga e para dhe deputetët duhet të masin forcat për të fituar një vend në listat e partive.
(E.K/SHUPLAKA)
