Betohen 8 anëtarët e Kolegjit Zgjedhor, mes tyre Gjin Gjoni

Pas fitores me short, 8 gjyqytarë janë betuar sot si anëtarë të Këshillit të Lartë të Drejtësisë. Betimi është bërë gjatë një ceremonie publike të drejtuar nga Presidenti i Republikës së Shqipërisë, Bujar Nishani.

Me dorën mbi Kushtetutë, ata janë shprehur se nuk do i shërbejnë asnjë individi apo subjekti politik. Ndër tetë anëtarët e rinj të Kolegjit Zgjedhor, vetëm njëra është grua. Ndërkohë mes të përzgjedhurve me short si anëtar i KLD-së është edhe Gjin Gjoni.

8 anëtarët do të shmangin kontrollin nga ligji i Vettingut për 4 vite e ardhshme, kohë gjatë së cilës ata do të ushtrojnë detyrën e anëtarit të Kolegjit Zgjedhor.

Artur Malaj, Apeli Administrativ Tiranë; 
Tomorr Shkreli, Gjykata e Apelit Shkodër; 
Ridvan Hado, Gjykata e Apelit Tiranë; 
Shkëlqim Mustafa, Gjykata e Apelit Tiranë; 
Lindita Sinanaj, Apeli Administrativ Tiranë; 
Gjin Gjoni, Gjykata e Apelit Tiranë; 
Astrit Kalaja, Gjykata e Apelit Shkodër; 
Sotiraq Lubonja, Gjykata e Apelit Korçë.