Sapo është betuar si kryebashkiak për herë të dytë radhazi për kryeqytetin erion Veliaj I cili në nisje të fjalës së tij falenderoi kryeministrin Rama për besimin, I cili edhe ishte present në këtë mbledhje, por edhe shprehu se kishte rënën në dashuri me Tiranën e për këtë ishte shumë I lumtur.
“Falenderoj Edi Ramën për mbështetjen dhe Partinë Socialiste dhe sot jam dysfish i nderuar për besimin që mu dha nga PS dhe nga qytetarët e Tiranës, dhe e kuptoj edhe Edi Ramën kur ma ka dhënë detyrën se sa të vështirë e ka pasur.
Kam rënë në dashuri me Bashkinë, nostalgjia e një vendi që ke kaluar me përkushtim ditë të tëra. Nuk mjafton vetëm të krijojmë një histori të Tiranës, duhet ta komunikojmë këtë histori të Tiranës, reformave dhe punës në administrimin e Tiranës”, tha Veliaj gjatë fjalës së tij.
Veliaj tha gjithashtu se është mirënjohes për skuadrën e Bashkisë së Tiranës, si dhe premtoi në mbyllje të fjalës së tij se do të bëjë gjithçka për më të mirën për kryeqytetin.
“Unë besoj që arritja më e madhe është njerzillëku, fakti që këtij qyteti i shërbejmë në një mënyrë që rrogat në shtet nuk janë të atij niveli që i shohim në privat, por bashkia shihet si mision ndaj qytetarit. Kjo më bën të ndihem i përkulur dhe shumë krenar për stafin e Bashkisë së Tiranës”, tha Erion Veliaj.
(F.GJ/FAXWEB.AL)
