Këshilli i ri i Bashkisë Roskovec ka zhvilluar sot mbledhjen e parë të tij pas zgjedhjeve të 30 qershorit, ku kanë marrë mandatet 19 këshilltarë nga 21 që është numri i përcaktuar i këshilltarëve për Roskovecin.
Pas zgjedhjes se komisionit të mandateve dhe verifikimit të tyre, kanë marrë mandatin 17 këshilltarë nga PS,1 këshilltar nga Aleanca për Demokraci dhe Solidaritet dhe 1 këshilltare nga PDS. 2 anëtarë këshilli nga PS nuk kanë marrë pjesë në mbledhje duke bërë të pavlefshme edhe mandatin e tyre.
Në mbledhjen e sotme të Këshillit të Bashkisë Roskovec, është zgjedhur nëpërmjet votimit Kreu i ri i këtij këshill si dhe zv.kryetarët. Mbledhja e sotme e ka zgjedhur edhe anëtarët për Këshillin e Qarkut Fier. Në mbledhjen e sotme gjithashtu ka kryer betimin edhe Kryebashkiakja e Roskovecit për një mandat të dytë Majlinda Bufi
Pjesmarrës në mbledhjen e parë të Këshillit të Bashkisë kanë qenë edhe Kreu i Kuvendit të Shqipërisë, Gramoz Ruçi si dhe deputët e PS-së të qarkut Fier.
(F.GJ/FAXWEB.AL)
