Biblioteka e Fierit do mbajë emrin e Dritëro Agollit, shpallet edhe “Qytetar Nderi”

Këshilli Bashkiak i Fierit ka vendosur së fundmi të nderojë shkrimtarin e madh Dritëro Agolli me titullin “Qytetar Nderi”.

Mësohet se anëtarët kanë votuar unanimisht për të nderuar figurën e kolosit të letrave shqipe.

Veç këtij nderimi ndaj tij, bëhet e ditur se edhe Biblioteka e qytetit të Fierit do të mbajë emrin e tij.

Poeti, romancieri, dramaturgu, publicisti Dritëro Agolli, ndërroi jetë në moshën 85-vjeçare pasditen e 3 shkurtit, disa ditë pas përkeqësimit të gjendjes shëndetësore të tij për shkak të komplikacioneve të shumta në mushkëri, sëmundje që e vuante prej rreth 20 vitesh. (XH.A/SHUPLAKA)