Biblitoteka Kombëtare e vendit nëpërmjet një njoftimi ka deklaruar dëmet që shkaktoi ditën e djeshme zjarri që ra në katin e 3-të të nëndheshëm të këtij institucioni. Sipas njoftimi nga ky institucion rezultojnë të dëmtuar vetëm 3 rafte me libra, të cilat janë të botuara pas viteve 2000 dhe nuk janë prekur nga zjarri fondi i vlerave të rralla dhe arkivi shqip, si dhe Baza e elektronike e të Dhënave Kombëtare të BKSH-së.
“Nga të dhënat paraprake rezultojnë të dëmtuara 3 rafte me libra. Një pjesë e tyre janë botime të Fondit të përgjishëm në gjuhën shqipe të botuara pas viteve 2000 si dhe botime të Fondit në gjuhë të Huaj. Këto janë të dhënat paraprake, por jo përfundimtare dhe të plota. Biblioteka Kombëtare e Shqipërisë është ende pritje të raportit të Ekspertizës. Biblioteka Kombëtare e Shqipërisë thekson edhe njëherë që se nuk janë prekur mjediset ku ruhet fondi i vlerave të rralla dhe arkivi shqip, si dhe Baza e elektronike e të Dhënave Kombëtare të BKSH-së. Biblioteka Kombëtare e Shqipërisë, duke ndjerë detyrimin për të qenë transparente në informacionet që përcjell për publikun dhe lexuesin, do të vijojë t’ju përcjellë informacioneve të mëtejshme”, thuhet në njoftimin.
(J.V/Shuplaka)
