Vijon problemi i rënies së numrit të studentëve që rregjistrohen për herë të parë në universitetin “Ismail Qemali” në Vlorë, pas mbylljes së raundit të dytë të rregjistrimeve që është data 21, teksa numri i studentëve të vitit të parë që zgjedhin këtë universitet ka rënë ndjeshëm në 3 degë.
Mundësia është e madhe për mbylljen e këtyre tre degëve që janë kimi, fizikë dhe italisht. Por sipas rektorit të universitetit, Roland Zisi, do të pritet fillimi i ciklit të studimeve për të parë vazhdimësinë e këtyre tre degëve. Edhe pse mundësitë janë shumë të vogla që të ketë ndryshim të situatës. Pra në këte univeristet pritet të mbyllen këtë vit edhe tre degë të tjera që janë kimi, fizik dhe gjuha italiane.
Zisi shpjegon se rënia e numrit të studenteve nuk ka lidhje me faktor universitar. Ai shton se në këtë ka ndikuar emigracioni i lartë. Një tjetër faktor është rënia e lindshmërisë si dhe liria e lëvizjes dhe zgjedhjes për të studiuar jashtë vendit është faktor tjetër që ka sjell braktisjen e universiteteve shqiptare.
Në shifra minimale rregjistrime për programin e studimeve kanë edhe degët e mësuesisë por jo vetëm.
(F.GJ/FAXWEB.AL)
Discussion about this post